Uzbekistan Airways Toshkent — Tel-Aviv reyslarini tikladi

Toshkent, O‘zbekiston (UzDaily.uz) — Milliy aviakompaniya Uzbekistan Airways 14 apreldan boshlab Toshkent — Tel-Aviv yo‘nalishi bo‘yicha muntazam reyslarni qayta tikladi. Bu haqda O‘zbekistonning Isroildagi elchixonasi xabar qildi.

Parvozlar haftasiga uch marta — dushanba, seshanba va payshanba kunlari amalga oshiriladi.

Kompaniya maʼlum qilishicha, 3 maydan boshlab qo‘shimcha reyslar joriy etish orqali parvozlar dasturini kengaytirish rejalashtirilgan.

Ushbu reyslar Toshkent — Samarqand — Tel-Aviv va qaytish yo‘nalishi bo‘yicha amalga oshiriladi.

Avvalroq, mart oyi oxirida aviakompaniya Tel-Avivga reyslarni vaqtincha to‘xtatishga majbur bo‘lgan edi. Aviaqatnovlarning tiklanishi O‘zbekiston va Isroil o‘rtasida muntazam yo‘lovchi tashuvlarini qayta yo‘lga qo‘yish imkonini beradi.