Toshkentda TIIF-2026 xalqaro investitsiya forumi boshlandi

Toshkent, O’zbekiston (UzDaily.uz) — Toshkent shahrida 2026 yil 16–18 iyun kunlari bo‘lib o‘tayotgan beshinchi yubiley Toshkent xalqaro investitsiya forumi (TIIF-2026) o‘z ishini boshladi.

Forum mamlakatning asosiy investitsiya platformasi va Markaziy Osiyodagi eng yirik biznes tadbirlaridan biri hisoblanadi.

Joriy yilda TIIF-2026 o‘z ko‘lamini sezilarli darajada kengaytirdi: ishtirokchi davlatlar va xalqaro investorlar soni oshdi, shuningdek biznes dasturi ham ancha kengaytirildi. Yangi sanoat yo‘nalishlari, innovatsion loyihalar taqdimotlari, texnologik muzokaralar hamda yirik investitsiya kelishuvlarini muhokama qilishga alohida eʼtibor qaratildi.

Qayd etilishicha, forum global kapitalni jalb qilishning muhim markazi hamda mintaqa investitsiya kun tartibini shakllantirishga xizmat qiluvchi strategik maydon sifatida o‘z mavqeini mustahkamlab bormoqda.

TIIF-2026 xalqaro hamkorlikni kengaytirish, yangi investitsiya imkoniyatlarini izlash, shuningdek iqtisodiyotning turli tarmoqlarida istiqbolli loyihalarni muhokama qilish uchun muhim maydon sifatida qaralmoqda.