Shimoliy Koreya U-17 terma jamoasi Osiyo kubogidan chiqdi

Toshkent, O‘zbekiston (UzDaily.uz) — Avval O‘zbekiston bilan bir guruhda bo‘lgan Shimoliy Koreya U-17 terma jamoasi Osiyo Kubogida ishtirok etmaydi. Bu haqda turnir boshlanishidan bir kun oldin maʼlum bo‘ldi.

Ishtirokchilar tarkibidagi o‘zgarishlar sababli O‘zbekiston U-17 terma jamoasi guruh bosqichidagi ishtirokini 10 may kuni Hindiston terma jamoasiga qarshi o‘yin bilan boshlaydi. Ikkinchi uchrashuv 13 may kuni bo‘lib o‘tadi va unda o‘zbekistonliklar Avstraliya terma jamoasiga qarshi maydonga chiqadi.

Shu tariqa, D guruhida musobaqada uchta jamoa — O‘zbekiston, Avstraliya va Hindiston ishtirok etadi.