Shahzod Alirizayev “O‘zatom” direktor o‘rinbosari v.b. etib tayinlandi

Toshkent, O‘zbekiston (UzDaily.uz) — 2026 yil 24 apreldan boshlab Shahzod Alirizayev O‘zbekiston Respublikasi Vazirlar Mahkamasi huzuridagi Atom energiyasi agentligi (“O‘zatom”) direktorining vazifasini bajaruvchi o‘rinbosari lavozimiga kirishdi. Bu haqda idora matbuot xizmati xabar qildi.

U yangi tayinlovga qadar “O‘zbekneftgaz” AJ boshqaruvi raisi o‘rinbosari lavozimida faoliyat yuritib, ishlab chiqarishni lokalizatsiya qilish, sanoatda kooperatsiya aloqalarini kengaytirish, shuningdek, axborot texnologiyalarini rivojlantirish masalalariga masʼul bo‘lgan.

Agentlik taʼkidlashicha, Alirizayev mamlakatda atom energetikasini yana-da rivojlantirish bilan bog‘liq vazifalarni amalga oshirishda ishtirok etadi.

Tuzilma jamoasi uni tayinlov bilan tabriklab, yangi lavozimida samarali faoliyat va qo‘yilgan maqsadlarga erishishini tiladi.