Oʻzbekiston va Qozogʻiston neft va gaz sohasidagi hamkorlikni kengaytirmoqda

Toshkent, O‘zbekiston (UzDaily.uz) — "O‘zbekiston neft va gazi — OGU 2026" xalqaro ko‘rgazma va anjumani doirasida "O‘zbekneftgaz" AJ, "KMG PetroChem" hamda "KazMunayGas" vakillari ishtirokida ishchi uchrashuvi bo‘lib o‘tdi.

Muzokaralar davomida tomonlar qo‘shma loyihalarning joriy holati, hamkorlikning keyingi bosqichlari, shuningdek, belgilangan tashabbuslarni amalga oshirish bo‘yicha muhim qarorlar va amaliy qadamlarni muhokama qildi.

Uchrashuv yakunida tomonlar neft-gaz kimyosi sohasidagi hamkorlikni yanada mustahkamlash va qo‘shma loyihalarni izchil ilgari surishga tayyor ekanliklarini bildirdi.