O‘zbekistonlik yosh futbolchi “Chelsi” U-15 safiga o‘tadi
Toshkent, O‘zbekiston (UzDaily.uz) — O‘zbekistonlik yosh futbolchi Zufarxo‘ja Akramxo‘jayev Londonning “Chelsi” futbol klubi U-15 jamoasiga ko‘rikdan muvaffaqiyatli o‘tib, taklif oldi.
Futbolchi 2010-yilda Andijonda tug‘ilgan. U ilgari Andijon-SGC jamoasida qanot himoyachisi sifatida o‘ynagan.
Maʼlum qilinishicha, u joriy yil sentyabr oyida “Chelsi” akademiyasiga qo‘shiladi. Shartnoma ikki yilga mo‘ljallangan bo‘lib, hozirda zarur hujjatlarni rasmiylashtirish ishlari yakunlanmoqda.
