O‘zbekistonda sanoat ishlab chiqarish hajmi 10 oyda 866 trln so‘mni tashkil qildi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yil yanvar–oktyabr oylarida O‘zbekistonda sanoat ishlab chiqarish hajmi 866 trln so‘mni tashkil etdi.

Sanoat tarkibida eng katta ulushni qayta ishlash sanoati egalladi — 741,5 trln so‘m (85,6%).

Foydali qazilmalarni qazib olish va karyerlarni ishlab chiqish hajmi 63,3 trln so‘mni (7,3%), elektr, gaz, bug‘ taʼminoti va havoni konditsionerlash — 56,1 trln so‘mni (6,5%), suv taʼminoti, kanalizatsiya, chiqindilarni yig‘ish va yo‘q qilish qilish esa 4,9 trln so‘mni (0,6%) tashkil qildi.

Bunday tarkib qayta ishlash sanoatining mamlakat iqtisodiyotiga katta hissa qo‘shayotganini ko‘rsatadi. Shu bilan birga, konchilik tarmog‘i ham keyingi qayta ishlash va sanoat rivoji uchun muhim xomashyo manbai bo‘lib qolmoqda.