O‘zbekiston va SOCAR yangi investitsiya loyihalarini muhokama qildi
Toshkent, O’zbekiston (UzDaily.uz) — O‘zbekiston investitsiyalar, sanoat va savdo vaziri Laziz Qudratov 27 avgust kuni Ozarbayjonning davlat neft-gaz kompaniyasi SOCAR prezidenti Rovshan Najaf bilan onlayn muzokaralar o‘tkazdi. Tomonlar savdo-iqtisodiy va investitsiyaviy hamkorlikni kengaytirish, shuningdek, qo‘shma loyihalarni amalga oshirish masalalarini muhokama qildi. Bu haqda O‘zbekiston Respublikasi Investitsiyalar, sanoat va savdo vazirligi xabar berdi.
Muzokaralarda qo‘shma loyihalarning joriy holati va yangi investitsiya tashabbuslarini ishlab chiqish masalalariga alohida eʼtibor qaratildi.
SOCAR — 1992 yilda tashkil etilgan Ozarbayjonning davlat neft-gaz kompaniyasi. Kompaniyada 48 mingdan ortiq kishi mehnat qiladi. SOCAR xalqaro bozorlarda ham faoliyat yuritadi.
O‘zbekistonda kompaniya qariyb 2 milliard dollar miqdoridagi investitsiyalar hajmiga ega bo‘lgan uglevodorod resurslarini o‘zlashtirish loyihasini amalga oshirishda ishtirok etmoqda.
Muzokaralar yakunlari bo‘yicha tomonlar o‘zaro savdo hajmini oshirish va strategik loyihalarni ilgari surish bo‘yicha qo‘shma ishlarni davom ettirishga tayyor ekanini tasdiqladi.
