O‘zbekiston TIVda Qatar bilan hamkorlik istiqbollari muhokama qilindi

Toshkent, O‘zbekiston (UzDaily.uz) — 2025 yil 25 fevral kuni O‘zbekiston tashqi ishlar vazirining birinchi o‘rinbosari Bahromjon Aʼloyev Qatarning O‘zbekistondagi elchisi Hasan bin Hamza Hoshim bilan uchrashdi.

Tomonlar O‘zbekiston va Qatar o‘rtasidagi strategik sheriklikni mustahkamlashning joriy holati va istiqbollarini muhokama qilib, oliy darajada erishilgan kelishuvlarni amalga oshirishga alohida eʼtibor qaratdilar.

Vizitlar almashinuvini muntazam yo‘lga qo‘yish va idoralararo aloqalarni mustahkamlash muhimligi taʼkidlandi. Savdo-iqtisodiy, investitsiyaviy va madaniy sohalarda hamkorlikni kengaytirish imkoniyatlari, shuningdek, ikki tomonlama aloqalarni rivojlantirishga qaratilgan qo‘shma loyihalar ko‘rib chiqildi.