O‘zbekiston terma jamoasi «Zagreb Open» turnirida yana ikki medal qo‘lga kiritdi

Toshkent, O‘zbekiston (UzDaily.uz) — Xorvatiyada o‘tayotgan grek-rum kurashi bo‘yicha «Zagreb Open» xalqaro turnirida O‘zbekiston terma jamoasi medallar hisobiga yana ikki mukofotni qo‘shdi.

77 kg vazn toifasida Abdullo Aliyev bronza medalini qo‘lga kiritgan bo‘lsa, 87 kg vazn toifasida Muhammadqodir Rasulov uchinchi o‘rinni egalladi.

Shu tariqa, ayni paytda milliy terma jamoa hisobida bitta oltin va ikkita bronza medali mavjud.