O‘zbekiston o‘smirlar terma jamoasi dzyudo bo‘yicha Osiyo chempionatida g‘olib bo‘ldi

Toshkent, O’zbekiston (UzDaily.uz) — Iordaniyada o‘tayotgan dzyudo bo‘yicha o‘smirlar o‘rtasidagi Osiyo chempionatida O‘zbekiston terma jamoasi umumjamoa medallar hisobi bo‘yicha birinchi o‘rinni egalladi. Bu haqda Milliy olimpiya qo‘mitasi matbuot xizmati xabar qildi.

Musobaqaning ikkinchi bahs kunida o‘zbekistonlik sportchilar beshta oltin, ikkita kumush va bitta bronza medalini qo‘lga kiritdi.

Turnir yakunlariga ko‘ra, O‘zbekiston o‘smirlar terma jamoasi hisobida jami 20 ta medal bor: 11 ta oltin, to‘rtta kumush va beshta bronza. Bu natija jamoaga chempionatning yakuniy medallar jadvalida birinchi o‘rinni egallash imkonini berdi.

Bugundan boshlab Ammon shahrida yoshlar o‘rtasidagi musobaqalar start oldi.