O‘zbekiston oltin-valyuta zaxiralari hajmi 43,14 milliard dollarga yetdi

Toshkent, O‘zbekiston (UzDaily.uz) — 2024-yil 1-noyabr holatiga ko‘ra, O‘zbekistonning oltin-valyuta zaxiralari hajmi 43,14 milliard dollarga yetdi, deb xabar qilmoqda O‘zbekiston Markaziy banki.

Regulyator ma’lumotlariga ko‘ra, oktyabr oyida mamlakat zaxiralari 2 milliard dollarga oshgan.

Xususan, valyuta zaxiralari hajmi 8,7 milliard dollardan 9,22 milliard dollarga oshgan.

Oltin zahiralari hajmi 31,9 mlrd dollardan 33,36 mlrd dollargacha oshdi, ammo oltinning fizik hajmi 12,0 mln troy untsiyada saqlanib qoldi.