O‘zbekistonda kreditlar bo‘yicha o‘rtacha stavka 19,8 foizga tushdi

Toshkent, O’zbekiston (UzDaily.uz) — O‘zbekistonda 2026 yil iyun oyi yakunlariga ko‘ra, milliy valyutada ajratilgan kreditlar bo‘yicha o‘rtacha nominal foiz stavkasi 19,8 foizni tashkil etdi. Bu o‘tgan yilning shu oyiga nisbatan 0,6 foiz bandiga past. Bu haqda Markaziy bank maʼlum qildi.

Tijorat kreditlari bo‘yicha o‘rtacha nominal foiz stavkasi 21,6 foizga yetdi. Bu 2025 yil iyun oyidagi ko‘rsatkichga nisbatan 1,4 foiz bandiga kamdir.

Milliy valyutadagi kreditlar bo‘yicha real foiz stavkasi jismoniy shaxslar uchun 9,2 foizni, yuridik shaxslar uchun esa 8,8 foizni tashkil qildi.

Shu bilan birga, xorijiy valyutada ajratilgan kreditlar bo‘yicha o‘rtacha nominal foiz stavkasi oshdi. Iyun oyi yakunlariga ko‘ra, ushbu ko‘rsatkich 10,3 foizni tashkil etib, o‘tgan yilning mos davriga nisbatan 0,4 foiz bandiga yuqori bo‘ldi.