O‘zbekiston futbol assotsiatsiyasi Taʼlim vazirligi bilan memorandum imzoladi

Toshkent, O‘zbekiston (UzDaily.uz) — 15 aprel kuni Toshkent shahridagi 300-maktabda O‘zbekiston futbol assotsiatsiyasi va Maktabgacha va maktab taʼlimi vazirligi o‘rtasida hamkorlik memorandumini imzolash marosimi bo‘lib o‘tdi.

Marosimda O‘zbekiston futbol assotsiatsiyasining birinchi vitse-prezidenti Ravshan Irmatov hamda maktabgacha va maktab taʼlimi vaziri Eʼzozxon Karimova ishtirok etdi.

Tadbir davomida bolalar va maktab futboli rivoji, o‘quvchilar o‘rtasida sog‘lom turmush tarzini ommalashtirish, shuningdek taʼlim muassasalarida sport infratuzilmasini takomillashtirish masalalariga alohida eʼtibor qaratildi.

Erishilgan kelishuvlarga muvofiq, memorandum doirasida maktablarda futbol to‘garaklarini tashkil etish, iqtidorli o‘quvchilarni aniqlash va ularni kelgusida professional sport faoliyatiga tayyorlash rejalashtirilgan.

Mazkur hujjat bolalar futboli tizimli ravishda rivojlantirish va butun mamlakat bo‘ylab maktab o‘quvchilarini sport faoliyatiga keng jalb etish imkoniyatlarini oshirishga qaratilgan.