O‘zbekiston energetikasi: yanvar oyida elektr energiyasi ishlab chiqarish hajmi 9 foizga oshdi
Toshkent, O‘zbekiston (UzDaily.uz) — 2026 yil yanvar oyida O‘zbekistonda elektr energiyasi ishlab chiqarish hajmi 8,228 mlrd kilovatt-soatni tashkil etdi, bu o‘tgan yilning shu davriga nisbatan 686 mln kilovatt-soatga yoki 9 foizga ko‘pdir. Bu haqda mamlakat Energetika vazirligi xabar berdi.
Yanvar oyida respublika isteʼmolchilariga yetkazib berilgan elektr energiyasi hajmi 6,527 mlrd kilovatt-soatga yetdi, bu 2025 yil yanvar oyiga nisbatan 313 mln kilovatt-soatga yoki 5 foizga ko‘pdir.
