O'zbekiston Artibir Group bilan energetika loyihalarini muhokama qilmoqda

Toshkent, O‘zbekiston (UzDaily.uz) — O‘zbekiston energetika haftaligi doirasida Energetika vazirligi hamda Turkiyaning “Artibir Group” kompaniyasi rahbariyati o‘rtasida uchrashuv bo‘lib o‘tdi.

Muloqot davomida Toshkent shahridagi issiqlik markazlarida kogeneratsion gaz-porshenli elektr stansiyalarini qurish masalalari muhokama qilindi.

Xususan, issiqlik markazlari hududida kogeneratsion gaz-porshenli elektr stansiyalarini barpo etish loyihasi doirasida hamkorlik qilishga kelishib olindi.