Toshkent, O’zbekiston (UzDaily.uz) — Oʻzbekiston Respublikasi Prezidenti Shavkat Mirziyoyev Gruziya Bosh vaziri Irakliy Kobaxidze bilan telefon orqali muloqot qildi.
Suhbat avvalida Irakliy Kobaxidze davlatimiz rahbarini tavallud kuni bilan samimiy tabriklab, unga mustahkam sogʻliq, baxt-saodat, doʻst Oʻzbekiston xalqiga esa tinchlik va ravnaq tiladi.
Muloqot davomida Oʻzbekiston – Gruziya strategik sheriklik munosabatlarini yanada rivojlantirishning dolzarb masalalari muhokama qilindi.
Joriy yilning 2-3-iyul kunlari Oʻzbekiston Respublikasi Prezidentining Gruziyaga davlat tashrifi yakunlari boʻyicha erishilgan kelishuvlarni amalga oshirishga alohida eʼtibor qaratildi.
