Toshkent, O’zbekiston (UzDaily.uz) — AQSH, Kanada va Meksika mezbonlik qilayotgan futbol bo‘yicha jahon chempionatining 1/16 final uchrashuvida Braziliya terma jamoasi Yaponiya ustidan irodali g‘alabaga erishdi. AQSHning Xyuston shahrida bo‘lib o‘tgan bahs besh karra jahon chempionlarining 2:1 hisobidagi g‘alabasi bilan yakunlandi.
Yaponiya terma jamoasi birinchi bo‘limda hisobni ochishga muvaffaq bo‘ldi. Uchrashuvning 29-daqiqasida Kaysyu Sano aniq zarba yo‘llab, o‘z jamoasini oldinga olib chiqdi. Braziliyaliklar esa ikkinchi taymda hisobni tenglashtirdi: 56-daqiqada Kazemiro raqib darvozasini ishg‘ol qildi. Janubiy Amerika vakillariga g‘alaba keltirgan golni esa qo‘shimcha vaqtning beshinchi daqiqasida, yaʼni 90+5-daqiqada Gabriel Martinelli kiritdi.
Ushbu muvaffaqiyat tufayli Braziliya futbolchilari musobaqaning keyingi bosqichiga yo‘l oldi. 5 iyul kuni Nyu-York shahrida bo‘lib o‘tadigan 1/8 final uchrashuvida Braziliya terma jamoasi Norvegiya va Kot-d‘Ivuar milliy jamoalari o‘rtasidagi bahs g‘olibi bilan kuch sinashadi.
