Bishkekda Qirg‘iziston—O‘zbekiston biznes-forumi o‘tkaziladi

Toshkent, O’zbekiston (UzDaily.uz) — 2026 yil 28 iyul kuni Bishkek shahrida Qirg‘iziston—O‘zbekiston biznes-forumi bo‘lib o‘tadi. Tadbir ishbilarmonlik aloqalarini rivojlantirish, yangi hamkorlarni topish hamda Qirg‘iziston va O‘zbekiston o‘rtasidagi savdo-iqtisodiy va investitsiyaviy hamkorlikni kengaytirish istiqbollarini muhokama qilish uchun maydon vazifasini o‘taydi.

Forum ikki mamlakatning davlat organlari, ishbilarmon doiralari, investorlar va tadbirkorlarini birlashtirishi kutilmoqda. Ular qo‘shma loyihalarni amalga oshirish, sanoat kooperatsiyasini rivojlantirish va o‘zaro savdo hajmini oshirishdan manfaatdor hisoblanadi.

Tadbirda axborot texnologiyalari, qishloq xo‘jaligi, sanoat, farmatsevtika, moliyaviy xizmatlar va iqtisodiyotning boshqa tarmoqlarida faoliyat yurituvchi Qirg‘izistonning yetakchi kompaniyalari ishtirok etadi.

Tashkilotchilar Qirg‘iziston bozoriga chiqish, yangi ishbilarmon hamkorlar topish hamda qo‘shma investitsiya loyihalarini amalga oshirishdan manfaatdor kompaniyalarni forumda ishtirok etishga taklif qilmoqda.