O‘zbekistonda yarim yilda 175,4 mingta mahalliy ishlab chiqarilgan avtomobil sotildi

Toshkent, O’zbekiston (UzDaily.uz) — 2026 yil yanvar–iyun oylari yakunlariga ko‘ra, O‘zbekiston ichki bozorida mahalliy ishlab chiqarilgan 175 374 ta avtomobil sotildi. Bu haqda “O‘zavtosanoat” uyushmasining yarim yillik statistikasida maʼlum qilindi.

Barcha sotuvlarning qariyb yarmini — 46,3 foizini UzAuto Motors taʼminladi. Asakadagi zavod xaridorlarga 81 210 ta avtomobil yetkazib berdi. Yana 54 862 ta avtomobil yoki bozorning 31,3 foizi Damas va Labo tijorat avtomobillarini ishlab chiqaruvchi UzAuto Khorezm hissasiga to‘g‘ri keldi. Shu tariqa, UzAuto guruhi tarkibidagi ushbu ikki korxona mamlakatdagi umumiy sotuvlarning to‘rtdan uch qismidan ortig‘ini taʼminladi.

Uchinchi o‘rinni ADM Jizzakh egalladi. Jizzaxdagi ishlab chiqaruvchi olti oy davomida 21 743 ta avtomobil sotib, bozorning 12,4 foizini egalladi.

BYD Uzbekistan Factory qo‘shma korxonasi yarim yillik natijasini 17 012 ta avtomobilga yetkazib, bozordagi ulushini 9,7 foizga oshirdi. Qolgan zavodlarning hissasi esa nisbatan kam bo‘ldi. Samarqand Avtomobil Zavodi 397 ta avtomobil yoki bozorning 0,2 foizini, Asaka Motors esa 150 ta avtomobil yoki 0,1 foizni tashkil etdi.

Talabning segmentlar bo‘yicha tuzilishi oy davomida deyarli o‘zgarmadi. Sotuvlarning eng katta ulushini B-klass sedanlari egallab, jami sotuvlarning 34,5 foizini tashkil qildi. Yengil tijorat transporti ulushi 31,4 foizni, SUV-B toifasidagi kompakt krossoverlar 22 foizni, SUV-C segmenti esa 7 foizni tashkil etdi. C-klass sedanlari hissasi 3 foiz, D-klass modellari esa 1,1 foizni tashkil qildi.

Brendlar reytingida Chevrolet mutlaq yetakchilikni saqlab qoldi. Yil boshidan buyon mazkur brendning 136 072 ta avtomobili sotildi. Ikkinchi o‘rinda 17 010 ta avtomobil bilan BYD, uchinchi o‘rinda esa 12 286 ta avtomobil sotgan Kia joylashdi. Chery yarim yilda 4 820 ta, Haval esa 4 402 ta avtomobil sotdi. Keyingi o‘rinlarni SamAuto (275 ta), Changan (235 ta) va Hyundai (150 ta) egalladi.

Modellar reytingida hamon Chevrolet Cobalt yetakchilik qilmoqda. Ushbu modeldan 40 936 ta sedan sotildi. Ikkinchi o‘rinni 34 286 ta natija bilan Damas, uchinchi o‘rinni esa 20 274 ta avtomobil bilan Tracker egalladi. Eʼtiborlisi, iyun oyi yakunlariga ko‘ra Labo 19 723 ta sotuv bilan Onix‘ni ortda qoldirdi. Onix‘ning sotuvi 19 595 tani tashkil etgan bo‘lib, ikki model o‘rtasidagi farq atigi 128 tani tashkil qildi.

Chevrolet modellari qatoriga kirmaydigan avtomobillar orasida eng yaxshi natijani Kia Sonet qayd etdi. Ushbu modeldan 9 653 ta avtomobil sotildi. Eng xaridorgir o‘ntalikdan BYD Song Plus DM-i Uzpride gibridi (5 630 ta), BYD Yuan-Up (4 277 ta) va Chazor Champion (3 771 ta) ham o‘rin oldi.

Shuningdek, Haval M6 (2 095 ta), Chery Tiggo 7 Pro (1 557 ta) va Haval