Ayubxon Nabiyev taekvondo WT bo‘yicha jahon chempionatida kumush medal qo‘lga kiritdi

Toshkent, O‘zbekiston (UzDaily.uz) —  Poytaxtda o‘tayotgan taekvondo WT bo‘yicha yoshlar o‘rtasidagi jahon chempionatida O‘zbekiston terma jamoasi medallar sonini Ayubxon Nabiyevning ishtiroki orqali yana-da boyitdi. U 68 kilogrammgacha bo‘lgan vazn toifasida ishtirok etdi.

Sportchi final janggacha yetib borishga muvaffaq bo‘ldi va natijada kumush medalni qo‘lga kiritdi.

Musobaqa davomida Nabiyev Bolgariya, Marokash, Koreya Respublikasi va Qozog‘istondan bo‘lgan raqiblarini izchil mag‘lub etdi hamda turnir setkasi bo‘ylab ishonchli harakat qildi.

Hal qiluvchi jangda o‘zbekistonlik sportchi Rossiya vakili Ismail Ismailovga mag‘lub bo‘ldi va musobaqani ikkinchi o‘rin bilan yakunladi.