Toshkent, O’zbekiston (UzDaily.uz) — O‘zbekiston Prezidenti Administratsiyasining AQSHdagi vakili Komil Allamjonov AQSH prezidentining maxsus yordamchisi, Milliy xavfsizlik kengashining Janubiy va Markaziy Osiyo bo‘yicha katta direktori Maykl Jerimaya bilan uchrashuv o‘tkazdi.
Komil Allamjonovning maʼlum qilishicha, muzokaralarda bo‘lajak qator xalqaro tadbirlarni tashkiliy jihatdan tayyorlash masalalariga asosiy eʼtibor qaratildi.
Jumladan, tomonlar AQSH Davlat kotibi Marko Rubioning O‘zbekistonga kutilayotgan tashrifi, Samarqandda “C5+1” formatidagi uchrashuvni o‘tkazish, shuningdek, Mayami shahrida bo‘lib o‘tadigan G20 sammiti kun tartibini muhokama qildi.
