Тошкент, Ўзбекистон (UzDaily.uz) — Ўзбекистон Рақобат қўмитаси «WB Taxi» МЧЖни такси агрегаторлик хизматлари бозорида устун мавқега эга рақамли платформа оператори деб эътироф этди. Бу ҳақда идора матбуот хизмати хабар берди.
Тегишли қарор Рақобат қўмитасининг буйруғи асосида қабул қилинган. У йўловчиларни ташишга буюртмаларни жойлаштириш ва такси хизматларини кўрсатиш билан боғлиқ воситачилик хизматлари бозорига тааллуқли.
Мазкур мақомга эга бўлгани муносабати билан компания фаолиятида антимонопол комплаенс тизими мажбурий тартибда жорий этилади.
Ушбу тизим рақобат тўғрисидаги қонунчиликда назарда тутилган бўлиб, устун мавқени суиистеъмол қилиш ҳолатларининг олдини олишга хизмат қилиши керак.
Қўмита рақамли платформа оператори фаолияти устидан мониторинг олиб боришини ҳам маълум қилди.
