Тошкент, Ўзбекистон (UzDaily.uz) — Ўзбекистонда «DILARES» МЧЖнинг қимматли қоғозлар бозорида инвестиция воситачиси сифатида профессионал фаолиятни амалга ошириш лицензияси бекор қилинди.
Қарор 2026 йил 6 ноябрдан кучга кирди. Бу ҳақда Ўзбекистон Республикаси Истиқболли лойиҳалар миллий агентлиги хабар берди.
Компанияга 2012 йил 12 январда 1226-сонли лицензия берилган эди.
Лицензия «DILARES» МЧЖнинг ихтиёрий мурожаати асосида, 2026 йил 9 июнда 3850-сон билан рўйхатдан ўтказилган «Қимматли қоғозлар бозорида инвестиция воситачиси ва инвестиция активларини ишончли бошқарувчининг профессионал фаолиятини лицензиялаш тартиби тўғрисида»ги низомнинг 49-бандига мувофиқ бекор қилинди.
Лицензия бекор қилинганидан сўнг белгиланган тартибда қимматли қоғозлар бозорининг профессионал иштирокчилари реестрига тегишли ўзгартиришлар киритилди. Реестр Истиқболли лойиҳалар миллий агентлигининг расмий веб-сайтида жойлаштирилган.
