Toşkent, Özbekiston (UzDaily.uz) — Özbekiston va Tailand vizasiz safarlar töğrisidagi bitimni imzolaş böyiça kelişuvga erişdi. Hozirda hujjat Tailand tomonining körib çiqiş jarayonida. Bu haqda Özbekiston Taşqi işlar vazirligi matbuot kotibi Omonulla Fayziyev ma’lum qildi.
Uning sözlariga köra, 2026 yil may oyidan boşlab Özbekiston tomoni fuqarolarning Tailandga boriş şartlarini soddalaştirişga qaratilgan diplomatik sa’y-harakatlarni faollaştirgan.
Uşbu iş doirasida Tailand Taşqi işlar vazirligi bilan bir qator töğridan-töğri muzokaralar ötkazildi. Ularning natijasida tomonlar tegişli bitimni imzolaş böyiça kelişuvga erişdi.
Özbekiston Taşqi işlar vazirligi fuqarolarning Tailandga elektron viza rasmiylaştirişda duç kelayotgan muammolari yuzasidan ham iş olib bormoqda.
Özbekistonning Tailanddagi Boş konsulligi mamlakat Taşqi işlar vazirligi, şuningdek, Turizm va sport vazirligi vakillari bilan muntazam ikki tomonlama uçraşuvlar ötkazmoqda. Özbekistonning Rossiyadagi elçixonasi esa Tailandning Moskvadagi diplomatik vakolatxonasi bilan hamkorlik qilmoqda.
Avvalroq Tailand Turizm va sport vazirligi Özbekiston fuqarolariga mamlakatga 15 kungaça vizasiz kirişga ruxsat berişni taklif qilgan edi.
Biroq Özbekiston Taşqi işlar vazirligi xabarida kelişilayotgan ikki tomonlama bitimda ham aynan şu muddat belgilanişi yoki belgilanmasligi aniqlaştirilmagan.
Vizasiz rejimning yakuniy şartlari va hujjatni imzolaş sanasi hozirça e’lon qilinmagan.
