Toshkentda uchta avtomobil ishtirokida YTH sodir bo‘ldi, ikki kishi jabrlandi

Toshkent, O‘zbekiston (UzDaily.uz) — 2025-yil 27-yanvar kuni soat 01:20 da Toshkent shahrining Shahrisabz ko‘chasida Ford Mustang, Tracker-2 va Onix avtomobillari to‘qnashdi.

YTH natijasida Tracker-2 avtomobili haydovchisi (2003-yilda tug‘ilgan) va uning yo‘lovchisi (2008-yilda tug‘ilgan) jabrlandi.

Jabrlanuvchilarga birinchi tibbiy yordam ko‘rsatildi. Toshkent shahar IIBB YHX boshqarmasi ma’lumotiga ko‘ra, Ford Mustang haydovchisi 2001-yilda tug‘ilgan, Onix avtomobilining haydovchisi esa 2005-yilda tug‘ilgan bo‘lgan.

Hodisa tafsilotlari o‘rganilmoqda.