Toshkent viloyatida “Yusufxona” va “Sijjak” mahallalarini bog‘lovchi osma ko‘prik quriladi

Toshkent, O‘zbekiston (UzDaily.uz) — Toshkent viloyatida osma ko‘prik barpo etish rejalashtirilmoqda.

“O‘zbekiston-24” telekanaliga bergan intervyusida O‘zbekiston Respublikasi Qurilish va uy-joy kommunal xo‘jaligi vaziri o‘rinbosari Davronjon Adilov maʼlum qilishicha, ko‘prikning uzunligi 377 metrni tashkil etadi va u “Yusufxona” hamda “Sijjak” mahallalarini bog‘laydi.

Uning taʼkidlashicha, ko‘prikning maʼlum qismi shisha konstruksiyadan tayyorlanadi.

Loyihani amalga oshirish uchun Xitoy, Turkiya va boshqa mamlakatlarning tajribali kompaniyalari bilan muzokaralar olib borish rejalashtirilgan.