Sabalenka Rahimovani mag‘lub etib, US Open‘ning 4-bosqichiga chiqdi
Toshkent, O’zbekiston (UzDaily.uz) — Dunyo reytingida birinchi o‘rinda turgan belaruslik tennischi Arina Sabalenka US Open 2026 turnirining to‘rtinchi bosqichiga chiqdi.
Uchinchi bosqichdagi bahsda u jahon reytingida 92-o‘rinni egallab turgan O‘zbekiston vakili Kamilla Rahimovani 6:3, 6:4 hisobida mag‘lub etdi.
Uchrashuv 1 soat 30 daqiqa davom etdi. Sabalenka 10 ta eys qayd etdi, bir marta qo‘sh xatoga yo‘l qo‘ydi va ishlab olgan yettita breyk-poyntdan ikkitasidan foydalandi.
Rahimova o‘z hisobiga ikkita eys yozdi, ammo olti marta qo‘sh xato qildi. U uchrashuv davomida birorta ham breyk-poynt ishlab ola olmadi.
Keyingi bosqichda Sabalenka chorak finalga chiqish uchun bahs olib boradi. Uning raqibi rossiyalik Diana Shnayder va amerikalik Teylor Taunsend o‘rtasidagi uchrashuv yakunlariga ko‘ra aniqlanadi.
