O‘zbekistonga Iroqning 150 nafar tadbirkoridan iborat delegatsiya keldi
Toshkent, O‘zbekiston (UzDaily.uz) — Savdo-sanoat palatasi hamda mamlakatimizning Kuvaytdagi elchixonasi tashabbusi bilan 150 ga yaqin Iroq tadbirkorlaridan iborat delegatsiya O‘zbekistonga yetib keldi.
Delegatsiya tarkibidan, shuningdek, Iroq Savdo vaziri Asir Dovud Salmon al-G‘urayriy, Iqtisodiy kengashi raisi Ibrohim al-Bag‘dodiy, Investitsiyalar milliy qo‘mitasi raisi o‘rinbosari Salar Muhammad Amin o‘rin olgan.
Tashrif doirasida mazmunli biznes dastur rejalashtirilgan.
Mehmonlar Toshkent va Samarqanddagi biznes-forumlarda ishtirok etishadi, elektrotexnika va oziq-ovqat sanoati ko‘rgazmalarini ko‘rib chiqishadi, qurilish materiallari va mebel shou-rumlari bilan tanishishadi, shuningdek mamlakat farmatsevtika klasteri bilan ham tanishadilar.
Tashrif tadbirkorlar o‘rtasida to‘g‘ridan-to‘g‘ri aloqalarni o‘rnatish va iqtisodiyotning ustuvor sohalarida hamkorlikdagi loyihalar imkoniyatlarini muhokama qilish uchun samarali platforma bo‘lishi kutilmoqda.
