O‘zbekistonda NPS Personal agentligi faoliyati tugatildi

Toshkent, O‘zbekiston (UzDaily.uz) — O‘zbekistonda fuqarolarni xorijda ish bilan taʼminlash xizmatlarini ko‘rsatib kelgan «NPS Personal xususiy bandlik agentligi» MCHJ xususiy bandlik agentligi faoliyati tugatildi.

Maʼlum qilinishicha, 2023 yil 15 dekabrda berilgan xorijda ishga joylashtirish xizmatlarini ko‘rsatish huquqini beruvchi №294921 litsenziya agentlikning o‘zi tomonidan berilgan ariza asosida bekor qilingan. Tegishli №2556114 hujjat 2026 yil 13 aprel kuni taqdim etilgan.

Xususiy bandlik agentliklari faoliyatini tartibga soluvchi amaldagi qonunchilikka muvofiq, litsenziya bekor qilinganidan so‘ng kompaniya O‘zbekiston Respublikasi fuqarolarini xorijda ish bilan taʼminlash xizmatlarini ko‘rsatish huquqini yo‘qotadi.

Mazkur agentlik faoliyati bilan bog‘liq murojaat yoki shikoyatlari mavjud bo‘lgan fuqarolarga ularni Migratsiya agentligiga yuborish tavsiya etildi.

Murojaatlarni qabul qilish joriy yil 30 aprelga qadar amalga oshiriladi.