O‘zbekiston va Serbiya savdo-iqtisodiy hamkorlikni kengaytirish masalalarini muhokama qildi
Toshkent, O‘zbekiston (UzDaily.uz) — 2025-yil 9-oktabr kuni O‘zbekiston Respublikasi Investitsiyalar, sanoat va savdo vaziri Laziz Kudratov Serbiya Respublikasining Xalqaro iqtisodiy hamkorlik vaziri Nenad Popovich bilan uchrashdi.
Suhbat davomida tomonlar ikki davlat o‘rtasidagi savdo-iqtisodiy va investitsiyaviy hamkorlikning hozirgi holati hamda rivojlanish istiqbollarini ko‘rib chiqdilar.
Ayniqsa, sanoat kooperatsiyasi, farmatsevtika, energetika, qishloq xo‘jaligi, transport va texnologiyalar sohalarida hamkorlikni kengaytirish masalalariga alohida e’tibor qaratildi.
