O‘zbekiston U-20 terma jamoasi Tojikistonni yirik hisobda mag‘lub etdi

Toshkent, O‘zbekiston (UzDaily.uz) — Jamoliddin Rahmatullayev boshchiligidagi O‘zbekiston U-20 terma jamoasi CAFA U-20 Championship turniri doirasida Tojikiston yoshlar terma jamoasi ustidan ishonchli g‘alabaga erishdi.

Uchrashuv o‘zbekistonlik futbolchilarning 3:0 hisobidagi g‘alabasi bilan yakunlandi. O‘yinning asosiy voqealari ikkinchi bo‘limda yuz berdi. Abrayev 51-daqiqada penaltini aniq amalga oshirib, hisobni ochdi.

Qo‘shimcha vaqtning 90+7-daqiqasida u dubl muallifiga aylandi. Xuddi shu 90+7-daqiqada Tolkinbekov ham penaltidan gol urib, jamoasining uchinchi golini kiritdi.

O‘zbekiston U-20 terma jamoasi keyingi uchrashuvini 19 may kuni Turkmaniston U-20 jamoasiga qarshi o‘tkazadi.