O‘zbekistonga yetti oyda 7,7 mln xorijiy sayyoh keldi
Toshkent, O’zbekiston (UzDaily.uz) — 2026 yilning yanvar-iyul oylarida O‘zbekistonga turistik maqsadlarda 7 749 308 nafar xorijiy fuqaro tashrif buyurdi. 2025 yilning shu davri bilan solishtirganda, ko‘rsatkich 1,4 million kishiga yoki 22,6 foizga oshgan. Bu haqda Milliy statistika qo‘mitasi xabar berdi.
Sayyohlarning eng ko‘pi Qirg‘izistondan kelgan — 2 177 108 nafar. Ikkinchi o‘rinni 1 855 562 nafar tashrif buyuruvchi bilan Qozog‘iston, uchinchi o‘rinni esa 1 728 978 nafar sayyoh bilan Tojikiston egalladi.
Yetti oy davomida Rossiyadan O‘zbekistonga 710 824 nafar sayyoh kelgan. Keyingi o‘rinlarda Afg‘oniston — 281 200 nafar va Xitoy — 269 735 nafar sayyoh bilan joylashdi.
Turkmaniston 192 830 nafar sayyoh ko‘rsatkichi bilan yettinchi o‘rinni egalladi. Turkiyadan O‘zbekistonga 111 908 nafar kishi tashrif buyurdi.
Turistik oqimning eng yirik manbalari o‘ntaligiga Hindiston va Janubiy Koreya ham kirdi. Yanvar-iyul oylarida Hindistondan 32 462 nafar sayyoh, Janubiy Koreyadan esa 26 512 nafar sayyoh kelgan.
