O‘zbekiston piyoz eksportini 41,2 foizga qisqartirdi

Toshkent, O’zbekiston (UzDaily.uz) — O‘zbekiston Respublikasi Milliy statistika qo‘mitasi maʼlumotlariga ko‘ra, 2026 yil yanvar–aprel oylarida mamlakat 11 ta xorijiy davlatga jami 5,8 million AQSH dollari qiymatida 26,2 ming tonna piyoz eksport qildi.

Qayd etilishicha, eksport hajmi o‘tgan yilning shu davriga nisbatan 18,4 ming tonnaga yoki 41,2 foizga kamaygan.

Eksportning asosiy yo‘nalishlari Turkmaniston, Rossiya va Iroq bo‘lgan. Turkmanistonga 8,7 ming tonna, Rossiyaga 8,4 ming tonna, Iroqqa esa 5,3 ming tonna piyoz eksport qilingan.

Shuningdek, mahsulot Eronga 2,2 ming tonna, Qirg‘izistonga 1,4 ming tonna va boshqa davlatlarga 260,4 tonna hajmda yetkazib berilgan.

Umuman olganda, mazkur davr mobaynida o‘zbek piyozi 11 ta xorijiy davlatga eksport qilingan.