Navoiyuran Citi, JP Morgan va Natixis bilan hamkorlikni muhokama qildi

Toshkent, O’zbekiston (UzDaily.uz) — «Navoiyuran» davlat korxonasi delegatsiyasi yetakchi xalqaro moliya institutlari va global investitsiya hamjamiyati vakillari bilan bir qator muzokaralar o'tkazdi.

Uchrashuvlar V Toshkent xalqaro investitsiya forumi doirasida tashkil etildi va kompaniyaning global moliya sektori bilan o'zaro aloqalarini mustahkamlash va uning umumiy investitsiya jozibadorligini oshirishga qaratilgan.

Forum doirasida navbatdagi muzokaralar AQSHning "Citi Bank", JP Morgan va Fransiyaning "Natixis" vakillari bilan o‘tkazildi. Uchrashuvlar davomida korxonaning transformatsiya jarayonlari, kapital bozoriga chiqish istiqbollari hamda kelgusidagi hamkorlik imkoniyatlari muhokama qilindi.

Mazkur muloqotlar «Navoiyuran» davlat korxonasining xalqaro moliyaviy hamjamiyat bilan hamkorligini kengaytirish va investitsiyaviy jozibadorligini oshirishga xizmat qilmoqda.