Muzaffar Kamilov Prezident maslahatchisi etib tayinlandi

Toshkent, O’zbekiston (UzDaily.uz) — O‘zbekiston Prezidenti Shavkat Mirziyoyev Muzaffar Kamilovni O‘zbekiston Respublikasi Prezidentining diniy-maʼrifiy masalalar bo‘yicha maslahatchisi etib tayinlash to‘g‘risidagi farmonni imzoladi.

Yangi tayinlov munosabati bilan Muzaffar Kamilov O‘zbekiston Respublikasi Prezidenti Administratsiyasining Diniy-maʼrifiy masalalar departamenti boshlig‘i lavozimidan ozod etildi.

Kadrlarga oid mazkur o‘zgarishlar O‘zbekiston Respublikasi Prezidentining tegishli farmoni bilan tasdiqlandi.