Laziz Qudratov BAA vaziri bilan investitsiyalarni rivojlantirish masalalarini muhokama qildi

Toshkent, O’zbekiston (UzDaily.uz) — 

\TIIF-2026 xalqaro investitsiya forumi doirasida Oʻzbekiston investitsiyalar, sanoat va savdo vaziri Laziz Kudratov Birlashgan Arab Amirligi energetika va infratuzilma vaziri Suhayl Muhammad al-Mazruiy bilan uchrashuv oʻtkazdi.

Muloqot “Investopia: Tashkent Edition” forumi maydonida boʻlib oʻtdi. Tadbir doirasida forum koʻrgazmasini koʻzdan kechirish hamda ikki tomonlama bitimlarni imzolash marosimi boʻlib oʻtdi.

Uchrashuvda tomonlar oʻzaro savdo-iqtisodiy va investitsiyaviy hamkorlikni yanada mustahkamlash masalalarini atroflicha muhokama qildilar.

Muloqot markazida mintaqaviy transport loyihalari, gaz taqsimlash raqamli tarmoqlari, logistika va islom bankingi tizimini rivojlantirish, shuningdek, yashil dizel hamda ekologik toza yoqilgʻi ishlab chiqarish kabi muhim yoʻnalishlar oʻrin oldi.