Toshkent, O’zbekiston (UzDaily.uz) — Kot-d‘Ivuar terma jamoasi 2026 yilgi futbol bo‘yicha jahon chempionatida ishtirokini g‘alaba bilan boshladi. Afrika vakillari turnirning guruh bosqichida Ekvador terma jamoasini mag‘lub etdi.
E guruhidan o‘rin olgan uchrashuv Filadelfiya shahrida bo‘lib o‘tdi va 1:0 hisobida yakunlandi. Kot-d‘Ivuar jamoasiga g‘alabani uchrashuvning 90-daqiqasida gol urgan Amad Diallo keltirdi.
Birinchi turdan so‘ng Kot-d‘Ivuar terma jamoasi uch ochko to‘plab, guruhdagi o‘z mavqeini yaxshiladi. Ushbu kvartetda avvalroq Germaniya terma jamoasi Kyurasaoni 7:1 hisobida yirik hisobda mag‘lub etgan edi.
Ikkinchi turda Kot-d‘Ivuar terma jamoasi 20 iyun kuni Germaniyaga qarshi maydonga tushadi. Ekvador esa keyingi bahsini Kyurasao jamoasiga qarshi o‘tkazadi. Uchrashuv Moskva vaqti bilan 21 iyunga o‘tar kechasi bo‘lib o‘tadi.
