Konchilik va sanoat vazirligi Singapurning Indorama kompaniyasi bilan hamkorlikni muhokama qildi

Toshkent, O’zbekiston (UzDaily.uz) — 2026 yil 29 iyul kuni O‘zbekiston Respublikasi Tog‘-kon sanoati va geologiya vazirining birinchi o‘rinbosari F. Xamidova Singapurning Indorama Corporation Pte. Ltd. kompaniyasi delegatsiyasi bilan uchrashuv o‘tkazdi.

Uchrashuv davomida tomonlar mineral xomashyoni qazib olish va qayta ishlash, shuningdek, mineral o‘g‘itlar ishlab chiqarish uchun xomashyo bazasini ta’minlash masalalari yuzasidan hamkorlik istiqbollarini muhokama qildilar.

F. Xamidova vazirlik o‘zaro manfaatli hamkorlikni rivojlantirishga tayyorligini ta’kidlab, kompaniya yer qa’ridan foydalanish huquqini olish bo‘yicha istiqbolli uchastkalar uchun o‘tkaziladigan auksionlarda ishtirok etishi mumkinligini ma’lum qildi.