Islom sivilizatsiyasi forumi O‘zbekistonda o‘tkaziladi

Toshkent, O’zbekiston (UzDaily.uz) — 7–11 iyul kunlari O‘zbekistonda Birinchi xalqaro islom sivilizatsiyasi forumi bo‘lib o‘tadi. Tadbir Toshkent, Samarqand va Termiz shaharlarida tashkil etiladi hamda o‘nlab mamlakatlardan olimlar, ilohiyotshunoslar, ekspertlar va sohaviy tashkilotlar vakillarini jamlaydi.

Forum «Islom sivilizatsiyasi: tinchlik, bag‘rikenglik va maʼrifat yo‘li» shiori ostida o‘tkaziladi. Uning dasturidan ilmiy munozaralar, xalqaro ko‘rgazmalar, noyob qo‘lyozmalar taqdimotlari va islom sivilizatsiyasi merosiga bag‘ishlangan madaniy-maʼrifiy tadbirlar o‘rin oladi.

Alohida eʼtibor O‘zbekistondagi Islom sivilizatsiyasi markazi faoliyatiga, shuningdek, Movarounnahr mutafakkirlarining ilmiy merosini o‘rganish masalalariga qaratiladi.

Xabar qilinishicha, Toshkentdagi Islom sivilizatsiyasi markazi Ginness rekordlar kitobiga kiritilgan. Markazda 114 ta Qurʼon qo‘lyozmasidan iborat noyob ekspozitsiya namoyish etilmoqda bo‘lib, u dunyodagi eng yirik shunday kolleksiya sifatida eʼtirof etilgan.