Abduqodir Husanov —sobiq ittifoq hududidan APLdagi eng qimmat futbolchi

Toshkent, O‘zbekiston (UzDaily.uz) — «Manchester Siti»ning o‘zbek himoyachisi Abduqodir Husanov Angliya Premyer-ligasida sobiq ittifoq mamlakatlaridan chiqqan eng qimmat futbolchilar reytingida birinchi o‘rinni egalladi, deb xabar berdi Transfermarkt portali.

Portal maʼlumotiga ko‘ra, yaqinda APL futbolchilarining bozor qiymati yangilandi. Husanovning narxi o‘zgarishsiz qolgan — €35 million, bu esa unga sobiq ittifoq hududidan bo‘lgan futbolchilar orasida yetakchi bo‘lib qolish imkonini berdi.

Reytingning ikkinchi o‘rnini “Liverpul” darvozaboni, gruziyalik futbolchi Georgiy Mamardashvili €28 million baholangan holda egalladi. Uchinchi pog‘onada esa “Everton”ning ukrain himoyachisi Vitaliy Mikolenko joy olgan bo‘lib, uning qiymati €25 millionni tashkil qiladi.