O‘zbekistonda qurilish ishlari hajmi 12,9 foizga oshdi

Toshkent, O’zbekiston (UzDaily.uz) — O‘zbekistonda 2026 yilning yanvar-iyul oylarida bajarilgan qurilish ishlari hajmi 227 446,6 mlrd so‘mni tashkil etdi. Bu 2025 yilning shu davriga nisbatan 12,9 foizga ko‘p. Bu haqda O‘zbekiston Respublikasi Milliy statistika qo‘mitasi xabar berdi.

Agentlik maʼlumotlariga ko‘r, mamlakatda qurilish ishlari hajmi so‘nggi besh yilda barqaror o‘sib bormoqda. 2022 yilning yanvar-iyul oylarida bu ko‘rsatkich 70 727,5 mlrd so‘mni, 2023 yilda 81 294,8 mlrd so‘mni, 2024 yilda 94 283,4 mlrd so‘mni, 2025 yilda esa 190 515,4 mlrd so‘mni tashkil etgan.

Hududlar kesimida eng katta qurilish ishlari hajmi Toshkent shahrida qayd etilgan — 76 196,9 mlrd so‘m. O‘sish surʼati 109,2 foizni tashkil etgan. Keyingi o‘rinlarda Toshkent viloyati — 21 080,7 mlrd so‘m, o‘sish 14,3 foiz, hamda Farg‘ona viloyati — 13 770,4 mlrd so‘m, o‘sish 19,5 foiz bilan qayd etilgan.

Shuningdek, Buxoro viloyatida 12 674,6 mlrd so‘m, Samarqand viloyatida 11 219,3 mlrd so‘m va Qashqadaryo viloyatida 11 066,4 mlrd so‘mlik qurilish ishlari bajarilgan. Hududlar orasida eng yuqori o‘sish surʼatlari Qoraqalpog‘iston Respublikasida — 141,9 foiz va Samarqand viloyatida — 138 foiz qayd etilgan. Eng past o‘sish Toshkent shahrida — 109,2 foizni tashkil qilgan.

Iqtisodiy faoliyat turlari bo‘yicha bino va inshootlar qurilishining umumiy hajmdagi ulushi 68,3 foizni tashkil etgan. Bu 155 287,7 mlrd so‘mga teng bo‘lib, o‘sish surʼati 106,8 foizni tashkil etdi. Fuqarolik obyektlari qurilishining ulushi 19,9 foiz yoki 45 181,6 mlrd so‘mni tashkil etgan va 22,3 foizga o‘sgan. Ixtisoslashtirilgan qurilish ishlarining ulushi esa 11,8 foiz yoki 26 977,3 mlrd so‘m bo‘lib, 41,2 foizga oshgan.

Korxona turlari kesimida yirik qurilish tashkilotlari tomonidan 36 358,8 mlrd so‘mlik bino va inshootlar qurilgan, o‘sish surʼati 108,9 foizni tashkil etgan. Fuqarolik obyektlari qurilishi 14 787,8 mlrd so‘mni tashkil etib, 31,3 foizga o‘sgan. Ixtisoslashtirilgan ishlar hajmi 5 720,8 mlrd so‘m bo‘lib, 34,9 foizga oshgan.

Kichik korxonalar va mikrofirmalar tomonidan 74 584,1 mlrd so‘mlik bino va inshootlar qurilib, o‘sish 6,1 foizni tashkil etgan. Fuqarolik obyektlari qurilishi 30 382 mlrd so‘mni tashkil etib, 18,4 foizga o‘sgan. Ixtisoslashtirilgan ishlar hajmi esa 21 256,5 mlrd so‘mga yetib, 42,9 foizga oshgan.

Aholi tomonidan 44 344,8 mlrd so‘mlik bino va inshootlar qurilgan, o‘sish 6,3 foizni tashkil etgan. Fuqarolik obyektlari qurilishi hajmi 11,8 mlrd so‘mni tashkil etib, 4,8 barobarga oshgan.

Korxona turlari bo‘yicha umumiy ko‘rsatkichda kichik korxonalar va mikrofirmalar hissasi qurilish ishlari umumiy hajmining 55,5 foizini tashkil etgan. Joriy narxlarda bu 126 222,6 mlrd so‘mga teng bo‘lib, o‘sish surʼati 113,9 foizni tashkil qilgan.

Yirik qurilish tashkilotlari 56 867,4 mlrd so‘mlik ishlarni bajargan. Ularning umumiy hajmdagi ulushi 25 foizni tashkil etib, 16,3 foizga o‘sgan. Aholi tomonidan bajarilgan qurilish ishlarining ulushi esa umumiy hajmning 19,5 foiziga teng bo‘lgan. Bu 44 356,6 mlrd so‘mni tashkil etib, 6,3 foizga o‘sgan.

Yirik qurilish tashkilotlari tomonidan bajarilgan qurilish ishlarining eng katta hajmi Toshkent shahrida — 17,2 trln so‘m, Toshkent viloyatida — 4,1 trln so‘m va Navoiy viloyatida — 3 trln so‘m qayd etilgan.

Kichik korxonalar va mikrofirmalar bo‘yicha Toshkent shahri — 53 195,7 mlrd so‘m, Farg‘ona viloyati — 8 101,8 mlrd so‘m va Samarqand viloyati — 7 496,3 mlrd so‘m bilan yetakchilik qilgan.

Aholi tomonidan bajarilgan qurilish ishlari hajmi bo‘yicha eng yuqori ko‘rsatkichlar Toshkent viloyatida — 5 854,2 mlrd so‘m, Buxoro viloyatida — 4 512,4 mlrd so‘m va Xorazm viloyatida — 4 136,9 mlrd so‘m qayd etilgan.

Mulkchilik shakllari bo‘yicha qurilish ishlari hajmining 97,6 foizi nodavlat sektor hissasiga to‘g‘ri kelgan. Davlat sektorining ulushi esa 2,4 foizni tashkil etgan.