O‘zbekiston va Qatar hamkorlikni kengaytirishni muhokama qildi

Toshkent, O’zbekiston (UzDaily.uz) — O‘zbekiston tashqi ishlar vaziri birinchi o‘rinbosari Bahromjon Aʼloyev 2026 yil 7 sentyabr kuni Qatar Tashqi ishlar vazirligi bosh kotibi, Sivilizatsiyalar alyansi qo‘mitasi raisi Ahmad bin Hasan Al-Hammadiy bilan uchrashuv o‘tkazdi. Bu haqda O‘zbekiston Tashqi ishlar vazirligi xabar berdi.

Tomonlar ikki tomonlama munosabatlarni yana-da mustahkamlash va ikki davlat o‘rtasidagi hamkorlikni kengaytirish masalalarini muhokama qildi.

Uchrashuv davomida siyosiy, savdo-iqtisodiy va madaniy-gumanitar sohalardagi hamkorlikni rivojlantirishga alohida eʼtibor qaratildi.

Tomonlar ikki tomonlama aloqalarni faollashtirish bo‘yicha amaliy qadamlarni ham muhokama qildi. Xususan, turli qo‘shma tadbirlarni o‘tkazish va o‘zaro tashriflarni tashkil etish uchun zarur choralarni birgalikda ko‘rish bo‘yicha kelishuvga erishildi.

Bundan tashqari, O‘zbekiston va Qatar xalqaro konferensiyalarni birgalikda tashkil etishga kelishib oldi.

Muzokaralar ikki tomonlama hamkorlikni yana-da rivojlantirish va ikki davlatning tegishli tuzilmalari o‘rtasidagi amaliy hamkorlikni kengaytirish doirasida o‘tkazildi.