O‘zbekiston va Ozarbayjon IV mintaqalararo forum o‘tkazadi
Toshkent, O’zbekiston (UzDaily.uz) — Toshkentda 2026 yil 22 avgust kuni O‘zbekiston Respublikasi va Ozarbayjon Respublikasining IV mintaqalararo forumi bo‘lib o‘tadi. Tadbir ikki mamlakat o‘rtasida savdo-iqtisodiy, investitsiyaviy va mintaqalararo hamkorlikni rivojlantirish maydoniga aylanadi.
Forumda O‘zbekiston va Ozarbayjon davlat organlari vakillari, investorlar hamda ishbilarmon doiralar ishtirok etadi. Tadbirda Ozarbayjonning yetakchi kompaniyalari ham qatnashishi kutilmoqda.
Kompaniyalar agrobiznes va oziq-ovqat sanoati, qurilish va qurilish materiallari ishlab chiqarish, mashinasozlik, axborot texnologiyalari va raqamli yechimlar, logistika, sog‘liqni saqlash, energetika hamda sanoat ishlab chiqarishi kabi turli sohalarni namoyish etadi.
Shuningdek, tadbirda professional va konsalting xizmatlari sohasi vakillari ham ishtirok etadi.
Tashkilotchilar Ozarbayjonlik hamkorlar bilan hamkorlikni rivojlantirishdan manfaatdor bo‘lgan kompaniyalarni forumda ishtirok etishga taklif qilmoqda.
