O‘zbekiston — Kongo DR o‘yinini nemis hakamlari boshqaradi

Toshkent, O’zbekiston (UzDaily.uz) — Futbol bo‘yicha jahon chempionati guruh bosqichi doirasidagi O‘zbekiston milliy terma jamoasi hamda Kongo Demokratik Respublikasi terma jamoasi o‘rtasidagi bo‘lajak uchrashuvga Yevropa hakamlar brigadasi tayinlandi.

Ushbu xalqaro bahsning bosh hakami sifatida Germaniyalik tajribali referi Feliks Svayer tasdiqlandi. Qanotlarda yordamchi hakamlar vazifasini uning yurtdoshlari Robert Kempter va Kristian Dits bajaradi. Ular maydonda muhim qarorlarni qabul qilishda bosh hakamga ko‘maklashadi.

Germaniyalik hakamlardan tashqari, uchrashuvda Ispaniya hakamlik korpusi vakillari ham ishtirok etadi. Bahsning to‘rtinchi va beshinchi rasmiy shaxsi vazifalari ispaniyalik hakamlar Alexandro Ernandes hamda Diyego Sanches zimmasiga yuklatilgan.

Uchrashuv 28 iyun kuni bo‘lib o‘tadi. O‘yinning boshlanish hushtagi Toshkent vaqti bilan soat 04:30 da chalinadi.