Toshkent, O‘zbekiston (UzDaily.uz) — O‘zbekiston hukumati Islom taraqqiyot banki (ITB) ko‘magida kichik va o‘rta biznesni (KO‘B) moliyaviy barqarorligini mustahkamlash bo‘yicha yirik loyihani amalga oshirishni boshladi. Bu haqda 2024-yil 30-dekabrdagi Vazirlar Mahkamasining qaroridan ma’lum qilindi.

2024-yil aprel oyida imzolangan kelishuvga muvofiq, ITB loyihaga $30 million ajratadi. ITB tarkibidagi Islom hamjihatligi rivojlanish fondi (ISFD) esa yana $10 million taqdim etadi. Jami moliyalashtirish hajmi $40 millionni tashkil etadi. 

Shundan $30 million kichik biznesni murobaha (islomiy moliyalashtirish vositasi) asosida qo‘llab-quvvatlash uchun yo‘naltiriladi. $7,5 million Savdo rivojlantirish kompaniyasiga kreditlar bo‘yicha kafolatlar taqdim etish uchun ajratiladi.

$1,75 million biznes-injiniring dasturlari va tadbirkorlarning salohiyatini oshirish uchun sarflanadi. Qolgan mablag‘lar loyihani boshqarish, audit o‘tkazish va kutilmagan xarajatlar uchun zaxira yaratishga yo‘naltiriladi.

Ajratilgan mablag‘lar 10-yillik muddatga taqdim etiladi, shundan 3-yili imtiyozli davrni o‘z ichiga oladi. Qo‘shimcha xarajatlar 10 yillik o‘rtacha svop ko‘rsatkichiga 1,85% qo‘shilgan holda hisoblanadi.

Loyihaning asosiy maqsadlari: kichik biznesni qo‘llab-quvvatlash va rivojlantirish, ularning moliyaviy barqarorligini oshirish, O‘zbekistonda tadbirkorlik sektori va iqtisodiy o‘sishni mustahkamlash.

Loyiha 2025–2027-yillar davomida amalga oshiriladi va qo‘shimcha ravishda turli moliya manbalaridan $100 milliongacha mablag‘ jalb etish rejalashtirilgan.

Bu loyiha tadbirkorlik faolligini rag‘batlantirish va barqaror iqtisodiy o‘sishni ta’minlashga qaratilgan davlat strategiyasining bir qismi hisoblanadi.