Turonbank kapitali qariyb 700 mlrd so‘mga oshiriladi

Toshkent, O’zbekiston (UzDaily.uz) — Istiqbol loyihalari milliy agentligi (IMLA) 20 iyul kuni Turonbankning 699,999 milliard so‘mlik qo‘shimcha oddiy aksiyalar chiqarilishini ro‘yxatdan o‘tkazdi. Qimmatli qog‘ozlarni joylashtirish to‘g‘risidagi qaror 2026 yil 16 iyul kuni qabul qilingan.

Ro‘yxatdan o‘tkazilgan chiqarilish shartlariga muvofiq, bank nominal qiymati har biri 1700 so‘m bo‘lgan 411 764 704 dona oddiy aksiyani joylashtiradi. Emissiyaning umumiy hajmi 699 999 996 800 so‘mni tashkil etadi.

Qo‘shimcha chiqarilgan barcha aksiyalar O‘zbekistonning Suveren farovonlik jamg‘armasi timsolida davlatga har bir aksiya uchun 1700 so‘m narxda joylashtiriladi.

Qo‘shimcha emissiya 20 iyul kuni ro‘yxatdan o‘tkazildi. Shundan so‘ng aksiyalar chiqarilishi belgilangan tartibda davlat qimmatli qog‘ozlar reyestriga kiritildi.