OKMK: Jizzaxda Yangi ohak zavodining qurilishi boshlandi

Toshkent, O‘zbekiston (UzDaily.uz) — 2025-yil 25-fevral kuni Jizzax viloyatida “Yoshlik-I” konini o‘zlashtirish investitsiyaviy loyihasi doirasida Yangi ohak zavodini qurilishiga start berildi.

Tadbirda OKMK rahbariyati, Jizzax viloyati hokimligi mas’ullari, pudrat tashkiloti rasmiy vakillari, mehnat faxriylari ishtirok etishdi.

Ushbu Ohak zavodi 1-, 2-, 3- va 4-mis boyitish fabrikalari, mis eritish zavodlari, rux zavodi, Angren, Chodak hamda Xondiza kon boshqarmalarini texnologik jarayonlari uchun zarur bo‘lgan reagent - ohak bilan ta’minlaydi.

Zavod sutkasiga 2200 tonna, yiliga 737 ming tonna mahsulot ishlab chiqarish quvvatiga ega bo‘ladi, korxona ishga tushishi natijasida 323 ta yangi ish o‘rinlari yaratiladi.