Oʻzbekiston va Qatar yangi investitsiya loyihalarini muhokama qilishdi

Toshkent, O‘zbekiston (UzDaily.uz) — Toshkent xalqaro biznes markazida O‘zbekiston investitsiyalar, sanoat va savdo vaziri Laziz Kudratov hamda Qatar tashqi savdo masalalari bo‘yicha davlat vaziri Ahmad bin Muhammad Al-Soni rahbarligida O‘zbekiston-Qatar investitsiya davra suhbati bo‘lib o‘tdi.

2025-yil yakunlariga ko‘ra, o‘zaro tovar ayirboshlash hajmi 30,1 foizga, O‘zbekiston mahsulotlarining Qatarga eksporti esa 36,5 foizga oshdi.

Ishtirokchilar strategik tarmoqlardagi loyihalar majmuasini, jumladan, bank tizimi, tog‘-kon sanoati va kimyo sanoatiga Qatar kapitalini jalb etish masalalarini muhokama qildilar. Transport infratuzilmasini rivojlantirish, turizm sohasi hamda mintaqaviy transport hablarini boshqarishga alohida e’tibor qaratildi.

Savdo va agrosanoat majmui sohasida agrodala hamda agrosanoat klasterlarini tashkil etish, o‘zbek mahsulotlarini Yaqin Sharq bozorlariga olib chiqish asosiy mavzularga aylandi.

Ikki mamlakatning yetakchi idoralari va kompaniyalari o‘z taqdimotlarini o‘tkazib, ushbu davra suhbati kelishuvlarni amalga oshirishga o‘tish uchun qulay imkoniyat bo‘lganini e’tirof etdilar.