Oʻzbekiston misni FLUOR bilan boyitish texnologiyalarini muhokama qildi
Toshkent, O’zbekiston (UzDaily.uz) — Joriy yilning 12-avgust kuni Tog‘-kon snoati va geologiya vaziri o‘rinbosari U. Yusupov boshchiligidagi vazirlik xodimlari hamda FLUOR Corporation vakillari o‘rtasida uchrashuv o‘tkazildi.
Dastlab mehmonlar FLUOR Corporation kompaniyasi faoliyati, amalga oshirilgan loyihalar hamda kompaniyaning tegishli sohadagi tajribasi haqida ma’lumot berishdi.
Shuningdek, tomonlar O‘zbekistonda misni boyitish jarayonida zamonaviy texnologiyalarni qo‘llash orqali korxonalar samaradorligini oshirish bo‘yicha o‘zaro fikr almashdilar.
